احصائيات رمضانية

عيد مصطفاوى .. سعيد سابقا

يارب كل حياتكم تبقى مصطفاوى :P

خلاص رمضان خلص و العيد كمان و جه وقت التقرير اللى بقالى كام يوم بجمعلكم فيه من خلال كل الناس اللى اعرفهم باختلاف اعمارهم

اولا

الحمد لله فى ناس كتير التزمت ف رمضان السنادى و بالصوم طبعا و بالتراويح و بختم القرآن وفى للاسف بعض الناس أنتخو قبل العشرة الاواخر بيوم اواتنين و فاقو فقط ليلة 27 على اعتبار انها ليلة القدر

و بالنسبة لى علشان الناس الخبيثة ... الحمد لله ختمت القرآن بس للاسف مرة واحدة فقط و قصرت شوية ف صلاة التروايح ولكن التزمت بالتهجد و الحمد لله طوال ال عشرة الاواخر مش ليلة 27 فقط

ثانيا

ناس كتير من اللى سالتهم و اتكلمت معاهم نقدر نقول انهم 99% تابعو اكتر من مسلسل ف رمضان

الاختيارات الأعلى كانت بالنسبة للدالى( 2 )و بعد الفراق

و السيت كوم- الاكثر اختيارا .. راجل و ست ستات و العيادة وتامر وشوقية

المسلسلات الكارتونية ... سوبر هنيدى

و البرامج الدينية - قصص القرآن(1) لعمرو خالد

القنوات الارضية التى نالت اكثر استحسان .... الاولى و التانية

و المحورOtv و Dubai الفضائية المفتوحة

الفضائية المشفرة ... الشاشة - شبكة اوربت

البرامج الخفيفة الاكثر مشاهدة.. توك شو( 2) و على كرسى المذيع

الاعلانات الاكثر خفة دم ... حملة كوكاكولا و بطاطس مصراوى و حملة موبينيل شبكة جديدة لانج

اعلانات اكثر استفذاذا ... حملة اعلانات مستشفى 57357 و خاصة اعلان الفريق الوطنى لكرة القدم

نسبة من استمر ف التواصل و التصفح و الشات عبر الانترنت ف رمضان من الشباب 100% طبعا

نسبة من استمر ف الاستماع الى الاغانى من الشباب فى رمضان 99% للأسف

نسبة من استمع الى القرآن بشكل منتظم لم تتعدى ال 40% ولكن

نسبة من قام بقراءة القرآن حتى و ان كان لم يختمه 95% و للاسف فى ناس مامسكتش المصحف

و فى النهاية احب اوضح حاجة رفيعه

جميع النسب و الارقام و الاختيارات السابق ذكرها لا تمثل الا فئة قليلة من اصدقائى و معارفى بأعمار مختلفة مابين شباب و كبار السن و لا تمثل هذه النسب المسلمين كلهم او الوطن العربى كله