مش فاهم ليه المطرب يسجل 30 اغنية و ينزل منهم 10 اغانى فقط ف البومه
اول من ابتدع الموضوع ده هو عمرو دياب اللى كان بيسجل بال 20 و ال 30 اغنية و ينتهى اختياره ب 10 فقط
و طبعا هشام عباس و سميرة سعيد و محمد فؤاد ... و ناس كتير اوى اخرهم المطربين الشبان زى حماقى
الموضوع من وجهة نظر المطرب .. انا عايز الحاجة الكويسة
بيفتكر بس انه عايز الحاجة الكويسة و بينسى انه حارب او اتخانق عشان ياخد الاغنية دى
و ينسى ان فى واحد كتبها عشان توصل للناس مش عشان تتحدف ف الدرج
و واحد تانى لحنها و تالت وزعها
ببساطة .. مش عايزها لان فى احسن منها .. ده بيكون رد المطرب اللى خلاص اشتراها بالفعل و اصبحت الاغنية من حقه
نداء عاجل الى نقابة المهن الموسيقية و جمعيه المؤلفين و الملحنين و كل مسئول عن ذلك
عيييب .. حطو نفسكو مكان المؤلفين و الملحنين .. و بلاش استهتار بقى
No comments:
Post a Comment