زمااااااااان من كام شهر كان الـ جنيه = 100 قرش
ده اللى قالوه لينا ف ابتدائى.. بس من وجهة نظرى
واحد جنيه = واحد قرش
زمااااااااان كان من المعروف انك لو على ادك و مش معاك فلوس
بسييييييطة ... بجنيه واحد بس تظبّط نفسك و تضرب احلى طبق فول
مع حبة بصل اخضر و حتتين طورشى
لكن دلوقتى و الحمد لله الجنيه يجيب بالكتير 3 حبات فول
!! و حبة ميّة فول طبعا عليهم
لأ و ايه.. كنت تجيب بـجنيه فول يتخلله بـ 12 قرش زلط و سوس
دلوقتى ممكن تجيب بـجنيه زلط و تلاقى فيه بـ 10 قروش فول و بدون سوس
اصلهم بيعتبرو السوس رفاهية نظرا لما يحتويه من بروتين
لما بشوف النشرة الاقتصادية بفرح اوى و بصدق اننا حلوين اوى
و معندناش اى مشكلة
لكن بعد شوية وانا بسمع مذيع النشرة بيتكلم بفتكر و بقول لنفسى
فــول و سمّعنى
نلتقى بعد شوية
مصطفى سعد
الخميس 19-06-2008
جميع حقوق النشر محفوظة لكاتبها مصطفى سعد و كل من يقتبس او يحصل على أيا منها دونالرجوع لكاتبها يبقى ... حرامى و هايخش النار ان شاء الله
2 comments:
هههههههههههههههههه
انت متأكد ان السوس يحتوي علي البروتين ولا دا من تصريحات الحكومه الجريئه برضوا
طبعا لو هما قالوا كدا يبقى لازم نقول سمعا وطاعه اكيد السوس مفيد
تحياتى ليك يا رائع
اهى اوشاعات مالية البلد ماتفهميش ايه مصدرها
تقريبا عايزين يزودو اسعار الفول اكتر ف بيرفعو من قيمته بالاشاعات دى
ادينا مستنين نشوف اخرتنا ايه
شكرا لتعليقك الاكتر من رائع
Post a Comment