منذ حوالى ثلاثة ايام و تحديدا ف محطة مترو انفاق - مبارك - او رمسيس سابقا
كنت اقف على رصيف الجيزة منتظرا المترو ييجى بالسلامة
و لفت نظرى بجوار قدمى اليمنى على الارض وجود بقعة صفراء عجيبة كدة
و كأن قطرات من العصير سقطت من احدهم
و كنت لسة هادعى على الناس اللى مش بتقدر قيمة النظافة و بتدمر السياحة .. الخ الخ
لولا انى لقيت قطرة ضخمة تسقط بسرعة من امام عينى باتجاه نفس البقعه هى هى
قلت عليا و على اعدائى
!!بصيت لاعلى فاذا بى أجد الطامة الكبرى
دى نقطة مية جاية من السقف يا رجالة و مش كدة و بس.. ده كمان السقف
ماشاء الله عليه فيه ارتشاح رائع للمية
نسيت اقول ان السقف ده ماهو الا الارض اللى بيسير عليها مترو الانفاق خط حلوان - المرج
و اللى فوقه ميدان رمسيس الحلو الامور بجناينه و اسواره الحديدية اللى الناس بتنط من عليها للاختصار
فى هذه اللحظة بدأت اتخيل المية دى و هى عمالة تاكل ف السقف ده حبة حبة
و فى ظل غياب الرقابة هوووب السقف ده يقع
و ده معناه ان السقف الاعلى منه هايقع برضه
يعنى حضرتك تبقى ماشى ف ميدان رمسيس ف تلاقى الارض بتهبط فجأة
و لما نبص من طيارة مثلا نلاقى ميدان رمسيس ده عبارة عن انفاق ف كل اتجاه
تنحت شويتين و انا عمال اتخيل منظر ميدان رمسيس و هو عبارة عن حفرعملاقة
وفجأة صحيت من عالم سمسم اللى انا فيه ده على صوت المترو بيصرخ ف وشى عشان ارجع لورا
وقلت ياللا بقى ماهى بايظة يايظة هى جات عالمترو ..كانه عمارة و وقعت يا جدع
ايه يعنى ميدان و وقع؟؟
ف داهية .. حتى تبقى بشرى كويسة بما إن رمسيس هايختفى
يبقى اكيد محطة المترو دى تحديدا هاتختفى و الحمد لله
اللهم إنى قد بلّغت.. اللهم فاشهد
مصطفى سعد
الأحد 20-01-2008
جميع حقوق النشر محفوظة لكاتبها مصطفى سعد و كل من يقتبس او يحصل على أيا منها دونالرجوع لكاتبها يبقى ... حرامى و هايخش النار ان شاء الله
3 comments:
الله يطمنك ملقتش غير ميدان رمسيس
هبطل امشي هناك
بس احب اهنيك اسلوب حضرتك جميل جدا
بتمنالك التوفيق والاستمرار بالنجاح
متشكر يا جميل
كفاية نورك عليا
وردك بمثابة تثبيت هايل لخرسانة ميدان رمسيس :D
hahahaha aih ya3ni sa7ee7.. =)
Post a Comment