عزيزى المواطن المصرى... كمان 3 ايام انت على موعد مع اجمل و الذ حدث
فى تاريخ مصر.. قانون المرور الجديد و لله الحمد
هاتصحى من النوم يوم الجمعه القادم لتجد الشوارع خاليه.. مش عشان يوم اجازة
لا .. عشان محدش هاينزل بالعربية بتاعته و بالتالى الزحمة هاتختفى ان شاء الله
و لهذا السبب تحديدا (الزحمة) قررت الحكومة استحداث قانون المرور
و اللى هايقل ادبه و هايحاول يعمل زحمة بالعافية بحجة انه عنده عربية و من حقه
يمشى بيها .. ف القانون قرر انه يسجنه عشان نرتاح منه وبرضه الزحمة تقل
ان شاء الله النص الكامل لتعديلات قانون المرور هاتبقى هنا بكرة ف التوبيك الجى
اكتر حاجة استفزتنى ..اعلان يسرا و هشام سليم عن القانون و هما بيصورو الاعلان بطريقة
اضحك و مثّل عالناس الصورة تطلع حلوة
و بمناسبة الضحك ف هايبقى للركب ان شاء الله
اصل حضرتك وانت ماشى اول ماتعمل المخالفة.. هاتتصور عشان ماتجيش تقول انك ماعملتهاش
و عشان كدة اتمنى ان اى حد ييجى يعمل مخالفة يبتسم عشان الصورة تطلع حلوة
قانون المرور الجديد .... اضحك الصورة تطلع حلوة
2 comments:
هههههههههههههه
جميل قوى يا تيفا
بوست فعلا رائع وهادف
دايما ليك نظره مختلفه للموقع
ربنا يبارك فيك
وطبعا مننساش ابدا من دعانا حكومتنا الجميله هههههههههههه
ليتعمل قانون جديد للمدونين كمان
تحياتى ليك
ربنا يخليكى يا نور انتى دايما منورانى بتعليقاتك
و بالنسبة للحكومة ف انا و شعب مصر كله بندعيلها طبعا و الله اعلم بالنوايا و اللى ف الفلب
اما موضوع قانون للمدونين ف ده هايحصل فعلا بس مش دلوقتى.. هايسيبوهم يفضفضو شوية و بعدين..... هايقففففشو فيهم ماتقلقيش
شكرا اوى على تعليقك
Post a Comment